मुंबई : Maharashtra MLC by-poll election BJP Candidate List महाराष्ट्र विधान परिषदेच्या पाच रिक्त जागांसाठी होणाऱ्या पोटनिवडणुकीसाठी भारतीय जनता पक्षाने (भाजप) आपल्या उमेदवारांची नावे जाहीर केली आहेत. भाजपाने जाहीर केलेल्या उमेदवारांच्या यादीत संदीप जोशी, संजय केनेकर आणि दादाराव केचे यांचा समावेश आहे. विशेष म्हणजे या यादीवर मुख्यमंत्री आणि भाजपचे प्रमुख नेते देवेंद्र फडणवीस यांचा प्रभाव स्पष्ट दिसत आहे, कारण हे तिन्ही उमेदवार फडणवीसांच्या निकटवर्तीय मानले जातात.
विधान परिषद सदस्यांची लोकसभा अथवा विधानसभेवर निवड झाल्यास त्यांचे विधान परिषद सदस्यत्व आपोआप रद्द होते. याच नियमांनुसार, भाजपचे प्रवीण दटके, रमेश कराड, गोपीचंद पडाळकर, राष्ट्रवादी काँग्रेसचे (अजित पवार गट) राजेश विटेकर आणि शिवसेनेचे (शिंदे गट) आमश्या पाडवी हे पाच आमदार विधानसभेवर निवडून गेले आहेत. त्यामुळे या पाच जागा रिक्त झाल्या असून, त्या जागांसाठी २७ मार्च रोजी पोटनिवडणूक होणार आहे.
Maharashtra MLC by-poll election BJP Candidate List भाजपाला या पोटनिवडणुकीत तीन जागा मिळणार असल्याचे निश्चित झाले आहे. उर्वरित दोन जागांपैकी एक शिवसेना (शिंदे गट) आणि एक राष्ट्रवादी काँग्रेसला (अजित पवार गट) मिळेल. प्रत्येक जागेसाठी स्वतंत्रपणे पोटनिवडणूक होणार असल्याने भाजप, शिवसेना आणि राष्ट्रवादीने आपापल्या रणनीती आखण्यास सुरुवात केली आहे.
पोटनिवडणुकीसाठी उमेदवारी अर्ज दाखल करण्याची अंतिम मुदत १७ मार्च (सोमवार) आहे. त्यामुळे भाजपने शेवटच्या क्षणी उमेदवारांची नावे जाहीर केली आहेत. उमेदवारीसाठी इच्छुक असलेल्या अनेक नेत्यांची नावे चर्चेत होती. मात्र, शेवटी भाजपने संदीप जोशी, संजय केनेकर आणि दादाराव केचे यांना उमेदवारी दिली आहे. यावरून पक्षातील निर्णय प्रक्रियेवर फडणवीसांचा प्रभाव असल्याचे स्पष्ट झाले आहे.
२७ मार्च रोजी होणाऱ्या या पोटनिवडणुकीकडे संपूर्ण राज्याचे लक्ष लागले आहे. महायुती आणि महाविकास आघाडी यांच्यातील ही लढत चुरशीची ठरण्याची शक्यता आहे.
Hi, this is a comment.
To get started with moderating, editing, and deleting comments, please visit the Comments screen in the dashboard.
Commenter avatars come from Gravatar.